Como outros anos, os días 19 e 20 de Xuño, celebrarase na Praza do Toural o mercadiño de Sarela.
Se vos achegades, poderedes ver todas as cousas que se fan no centro: marcos de fotos, cadernos, pendentes, colares, caixiñas e moitas cousas máis.
O horario será das 17:00 ás 20:00 horas. Ademais, o venres faremos un pequeno xogo con cans “voluntarios” de Sarela.
Esperámosvos a todos.

Con esta nova despedímonos de todos vos, pero ata a volta do verán eh?, non pensedes que é para sempre.
Desde Sarela desexamosvos que pasedes unhas boas vacacións de veran e que non faltades a cita co noso blog no vindeiro mes de Setembro.

Juan M. Vilar e Pablo


ZONA OCIO

CINE & VENTURA

CHARADA 1963
Actores = Cary Grant /Audrey Hepburn
Comedia. Intriga
Unha muller volve dunhas pequenas vacacións nunha estación de esquí disposta a pedir o divorcio ao seu marido, pero cando chega a París atópase con que este foi asasinado. As sospeitas, según a embaixada americana, recaen en 3 homes que buscan un diñeiro que aparentemente tiña o seu home, pero que en realidade pertence ao goberno dos Estados Unidos.

Ventura


BELEZA & NATALIA

BRONCEADO EN SPRAY

Hai un líquido que aplicado sobre a pel en forma de spray, nos dá unha bonita cor morena parecida a das películas de ciencia ficción.
Trátase dun produto que mistura varios compoñentes naturais. Os máis importantes son o DHA (Dihidroxiacetona), un derivado incoloro da caña de sucre, e o Aloe Vera, que humidece a pel e axuda a fixar a cor.
O bronceado formado pola reacción do DHA ten a característica de absorber gran parte da luz ultravioleta polo que protexe a pel do envellecemento prematuro pero non das queimaduras solares, polo que debemos seguir cuidándonos da radiación solar.
A técnica da aplicación é moi sinxela, lévase a cabo de forma individual nunha cabina, onde se aplica a mistura sobre a pel utilizando para iso unha especie de pistola que lanza o spray uniformemente sobre o corpo. O procedemento demórase entre 20 e 30 minutos, tempo tras o cal a persoa está quieta polo menos durante 15 minutos máis, para que o líquido se fixe na pel.
A duración do bronceado obtido dura entre unha e tres semanas. Se o producto se aplica sobre a pel previamente exfoliada hai que utilízar diariamente unha crema humictante, para axudar a que a pel se rexenere e o bronceado sexa máis duradeiro.

Natalia


MOTOR&SUSO

Como non vou poder seguir informándovos durante a tempada do verán das novas do motor, aquí vos deixo a listaxe das carreiras para que as podades seguir. Xa sei que non será o mesmo sen os meus comentarios pero…

20-22 de junio: Gran Premio de Francia (Magny-Cours)

4-6 de julio: Gran Premio Británico (Silverstone)

18-20 de julio: Gran Premio de Alemania (Hockenheim)

1-3 de agosto: Gran Premio de Hungría (Budapest)

22-24 de agosto: Gran Premio de Europa (Valencia)

Deica Setembro e boas vacacións compañeiros do motor.

Suso e J.M.


RINCON GASTRONÓMICO

Tratase da Festa do viño que se celebra coma todos os anos no concello de Barro. Poderedes achegarvos todos aqueles que poidades ou que queirades.
E difícil nomear tódalas actividades “interesantes” así que simplemente vos diremos que as festas son o Venres 15 e o Domingo 17, e case calquer momento é bo (especialmente polas mañás) para probar os caldos da zona. Ademais para o domingo está organizada unha sardiñada de balde.

Matilde e Ana


DJ JOAQUÍN

O 21 de Xuño poderedes ver a Deluxe en concerto no Pabellón do Multiusos do Sar. Tamén ao longo destes dous meses haberá moitos outros concertos interesantes polas nosas terras. Todos aqueles amantes da boa música poderedes informarvos a través do concello e da súa páxina web www.compostelacultura.org.
Que pasedes un moi bo verán acompañados polas boas ondas da música.

Joaquín e Josefino


SARELADAS

Anunciando o mercadillo
e un pouco antes do San Xoán
despedímonos coma outros anos
pero so pola tempada do verán.

A todos os que nos seguides
desexámosvos de corazón
que disfrutedes deste verán
e que teñades boas vacacións.

E que de nós non nos esquezades
e lembrade que voltaremos,
pois aló polo mes de Setembro
de novo conectados estaremos.

Anque nos insistimos
que si nos queredes coñecer
achegádevos a Praza do Toural
que non vos a desmerecer.

Juan Rendo e Santiago